Ko tā tēnei tauākī matatapu he whakamārama i te āhua o tā mātou kohi ake, whakamahi, me te tohatoha kia aroturuki i te ture Oranga Tamariki (National Care Standards and Related Matters) Regulations 2018. E hāngai ana tēnei tauākī ki ngā kōrero ka kohia e mātou, e o mātou kaikirimana, e ētahi anō rōpū ka whakaritea ai e mātou. Ka whakamārama hoki i te ara hei whaitanga māu mēnā e pīrangi ana koe ki te whakatakoto kōamuamu mō te āhua o tā mātou whakamahi i aua kōrero, me pēhea hoki koe e tono i ō ake kōrero i a mātou.
E kore rawa mātou e whakamahi, e toha rānei i ngā mōhiohio whaiaro, i tua atu i ngā āheinga ka kōrerohia i tēnei kaupapa here.
He rōpū kaha whai taunakitanga mātou, me te aha, ko tā Te Mana Whakamaru Tamariki Motuhake | Independent Children’s Monitor (te Monita) he kohikohi, he whakamahi, he tohatoha, he whakaputu i ngā kōrero me ngā raraunga anō hoki. E whai ana mātou kia rangatira ai te whakaputu me te tiakina o ngā kōrero ka homaihia ki a mātou. Kei a mātou ētahi pūnaha me ētahi whakamarunga hei whakahaere i tā mātou kohikohi, whakahaere, whakamahi, tohatoha mōhiohio anō hoki.
E ngana ana mātou ki te noho hei kaitiaki mō ēnā raraunga me ēnā mōhiohio. Ko tā te kaitiaki he ū ki ngā matatika, he ū ki ngā ture, he ū hoki ki ngā haepapa, pērā i ngā haepapa o Te Tiriti o Waitangi, arā, ko te ngātahi me te Māori i ngā take whaimana pēnei i ngā take raraunga tētahi o ēnā haepapa. Ko ngā kōrero ka kohia ake e mātou e hāngai pū ana ki ā mātou mahi, ā, ka whai hoki mātou i ā mātou tikanga me ā mātou hei whakatutuki i ēnei mahi. Ko tā te kaitiaki mahi kua whakamāramatia i te pukapuka Caring for Data and Information Handbook me te pepa Code of Ethics. Kei tā mātou pae tukutuku ngā kawa me ngā tikanga ka whāia e mātou i a mātou e mahi ana.
Hei āwhina i a mātou mahi aroturuki i te ture Oranga Tamariki (National Care Standards and Related Matters) Regulations 2018, ka whiwhi mōhiohio mātou e pā ana ki ngā haepapa tiaki Care Standards mai i ngā tari kāwanatanga nō rātou ngā haepapa tiaki nei. Mō nāianei koinei aua tari kāwanatanga: ko Barnados, ko Open Home Foundation, ko Oranga Tamariki anō hoki. Ko ngā kōrero ka whiwhi ai mātou kua whakatautangata kēhia (kua kore rawa e mōhiotia te tangata), he rite tonu tā mātou tiaki i ēnei mōhiohio ki tā mātou tiaki i ngā kōrero i hua mai i ā mātou noho tahi ki te hapori.
Kia mārama ai mātou ki te kounga o te tiaki, me matua whakarongo ai mātou ki ngā wheako o te tangata. Kia whakatutukihia tēnei, kua whai mātou i tā mātou Code of Ethics, ko tētahi o ōna wāhanga, me mātua whakaae mai te tangata e kōrero ai mātou ki a ia. Mehemea ka kōrero mātou ki a koe nō mātou e aroturuki ana, ka tono pea mātou ki a koe kia homai nā ētahi kōrero pēnei i ēnei:
Ko te take ka pātaihia ōu mōhiohio whaiaro, kia mārama ai mātou ki ngā āhuatanga pai i te pūnaha tiaki, ki ngā āhuatanga hei whakatika ake mā mātou. Ka tonoa noa iho ngā kōrero e hāngai pū ana ki tēnei momo mahi. Mehemea kāore e tau ana tō ngākau ki te homai i ēnei mōhiohio, e pai ana tō kore i homai. Ka uia tō ingoa me ō taipitopito whakapā e pai ai tā mātou whakahoki i ngā hua o ngā ki a koe whai muri i tā tātou kōrero.
Ko te katoa o ngā kōrero ka kohia e mātou, mātua rā ka whakatautangatahia. Ko tōna tikanga kua kore hoki koe e mōhiotia, kua kore hoki e taea te whakahāngai i ngā kōrero ki a koe.
E ngana ana mātou ki te whakahaumaru i āu kōrero. Ka whakamahi mātou i ngā rorohiko pōnaho kia whakaputu arorangi ai ngā kōrero ka tohaina i ā tātou hui aroturuki. Me te aha, ka whakahaumarutia arorangitia ngā kōrero. Tirohia a How we note take kawa, kia mōhio ai te āhua o tā mātou kohi kōrero i ā tātou hui aroturuki.
Ko ētahi kaimahi whaimana kua whakaaetia kia tirotiro ki ngā kōrero kua kohia e mātou. Kua rāhuitia āu kōrero ki kaimahi kē atu i te Monita, ki ērā atu tari kāwanatanga hoki (arā, ki Te Manatū Whakahiato Ora), engari me tuku i ētahi wā i raro i te ture Privacy Act 2020.
I ā mātou mahi kohikohi mōhiohio hei whakatutuki i ngā whāinga aroturuki, ka whakaputungia ōu taipitopito matawhaiaro mō ngā wiki e whā i muri mai o te hui ā-hapori, hei taua wā rā ka mukua katoatia ngā raraunga e tautohu ai te tangata, pēnei i ngā taipitopito whakapā me ngā ingoa. Ka puritia ōu mōhiohio whaiaro mō tēnei wā e pai ai tā mātou whakarite tuhinga whakarāpopoto mō ngā kōrero i rangona ai e mātou i te hui.
Ka whakamahia noatia ōu mōhiohio whaiaro kua homai nā e koe mō ngā mahi aroturuki. I a mātou ka whakaputa pūrongo ai, ka āta whakaritea kia kaua rawa koe e tautohutia.
Kua kore hoki mātou e tuku i ō mōhiohio ki tangata i tua atu i te Monita kia mōhiotia koe. Ko ēnei noa iho ngā wā ka whakaaetia te tuku:
Kua kore hoki koe e mōhiotia mā tō pānui, mā tō tirotiro rānei, mō ngā kai i tā mātou pae tukutuku.
Mehemea kei te pīrangi koe ki te whiwhi i tā mātou pānui, me tuku mai koe i tō rārangi īmera. Ka uia tō ingoa kia mōhio ai mātou i tō ingoa e pai ai tā mātou pātuhi atu ki a koe me tō ingoa. Ka whakamahia noatia ēnā kōrero kia tuku atu i te pānui ki a koe. Ka taea e koe te whakamaunu ina pīrangi ai koe.
Kua kore hoki mātou e whakaputa i āu kōrero ki tangata kē atu, nā, ka tiakina rawatia āu kōrero. Ina koa, kua kore hoki mātou e tuku i āu kōrero ki a , waihoki, ka noho motuhake ngā mōhiohio i kohia e mātou i ngā mōhiohio o MSD.
Ngā ratonga o pāti kē: Mā te Mail Chimp ka tuku i ngā pānui ki te hunga ohauru. Mehemea kei te pīrangi koe ki te mōhio ka pēhea tā Mail Chimp tiaki mōhiohio, pānuihia tā rātou tauāki matatapu ki konei: https://mailchimp.com/legal/privacy/.
Ngā pākiki pae tukutuku: Ka whakamahi pea mātou i ngā utauta pākiki ki te mōhio he pēhea te whakamahia o tā mātou pae tukutuku, hei tauira, ko ēhea wāhanga o te pae tukutuku e tirohia nuitia ana. Nā, he kōrero tautangata ēnei. Kua kore hoki e taea e mātou te whakatautohu i te tangata, nā, kua kore hoki mātou e ngana kia pēnei.
Ka taea e koe te tirotiro me te whakatakoto tono whakatika mō ngā mōhiohio whaiaro e puritia nei e te Monita. Mehemea e pīrangi nei koe ki te kite i ōu nā mōhiohio whaiaro e puritia nei e mātou, ki te panoni, ki te whakamaunu rānei, tēnā whakapā mai mā ngā huarahi kei raro iho nei. Me mātua whakaatu mai koe i ngā tohu whakatūturu tuakiri i mua i tā mātou tuku mōhiohio whaiaro ki a koe.
Kia mōhio mai rā, i a mātou e whakatautangata ana i ngā kōrero kua kohia i ā tātou hui, ka taea e mātou ngā kōrero te whakatika, te whakamaunu, te tiki rānei i mua i te whakatautangatahia o ngā kōrero. I tōna tikanga ka oti ēnei mahi i ngā wiki e whā nō te hui i mua mai. Mehemea i tae atu koe ki tētahi o ngā hui ā-rōpū, kāore e taea e mātou ēnei kōrero te tuku, kia whakamanahia ngā mōtika matatapu o ērā atu i noho i te hui ā-rōpū rā.
Te Mana Whakamaru Tamariki Motuhake/ Independent Children’s Monitor
50 The Terrace
Wellington 6011
Email: info@aroturuki.govt.nz
He kōrero hirahira ngā whakahokinga kōrero, inā rā ka whakamahia hei aromātai, hei whakawhanake i ā mātou mahi. Mēnā koe ka whakahoki kōrero mai ki a mātou mō ā mātou mahi ki te Monita mā tā mātou pae tukutuku, mā tō mātou rārangi īmera rānei, ka tukuna ēnā kōrero ki ētahi kaimahi ka kōwhiringia e mātou. Mēnā e tika ana, ka kawe pea hoki mātou i ngā kōrero e hāngai ana ki ētahi anō tāngata i te Monita. Ka whakawhiwhia pea rātou ki āu anō taipitopito whakapā kia whakapā atu ki a koe.
Mēnā he pātai āu, he āwangawanga rānei ōu e pā ana ki tā mātou kohi kōrero, e whakapono ana rānei koe kua takahia tēnei tauāki e mātou, tēnā whakapā mai ki a mātou mā tā mātou rārangi īmera info@aroturuki.govt.nz, mā konei rānei.
Mehemea kāore e tau ana tō noho i tā matou whakahokinga kōrero mō ngā take matatapu nei, e āhei ana koe ki te whakapā atu ki te Mana Mātāpono Matatapu.
Office of the Privacy Commissioner
PO Box 10-094
Wellington, New Zealand
Enquiries Line: 0800 803 909
Email: enquiries@privacy.org.nz